Futbol

Robert Tasso i selebretem poen blong hem las wiken

Long namba 3 dei blong Port Vila Football Association Digicel Championship, i lukim Amicale, Tafea mo Siaraga oli kam blong mekem olgeta win.

Fes maj blong dei, Amicale i pleiem Erakor.

Nomata we Erakor hemi dominetem fes haf, be olgeta plante janis we oli bin gat, oli no save putum long net nomo, i mekem se fes haf i finis, tugeta saed i stap long 0-0.

Long sekon haf, stret long namba 47 minit, Bernard Daniel i openem sko blong Erakor.

10 minit afta, wan penalty afta long wan foul long straeka, Watson Maliwan, i lukim Robin hemi step ap mo ikwalaes blong Amicale.

Fulap long olgeta fan oli ting se maj bambae hemi end long wan dro, be taem Erakor i putum in Godine Tenene, hemi mekem diferens, taem hemi faenem olgeta hol long difens blong Amicale mo kosem problem full aftanun.

Kershom hemi addem sekon poen blong Erakor stret long 81 minit mo Tenene hemi setemap Jamie Molea 2 minit afta blong putum namba 3.

Sko laen i shud kasem 4, be i lukim Molea hemi no save konvetem penalty blong hem afta we kipa, Simon hemi stoppem bol ya.

Faenol sko Erakor 3 mo Amicale 1.

Sekon maj blong dei, Tafea hemi kam blong winim Shepherds long 2-1.

Maj ia hemi no wan isi wan, from tugeta saed i putum ap wan bigfala wol bihaen mekem se i had blong faenem wan wei raon long hem.

Tafea nao hemi openem sko long namba 18 minit, taem we Robert Thomas hemi hedem in wan kona blong putum sko long haf taem, Tafea 1 mo Shepherds 0.

Long sekon haf long namba 67 minit, Alex Saniel hemi kam blong ikwalaes, be i lukim substitiut straeka, Robert Tasso hemi putum namba 2 poen blong Tafea, 3 minit afta.

Las maj blong dei, Siaraga mo Mauwia i lukim fes haf tugeta saed i stap long 0-0.

Long sekon haf taem we olgeta fan oli stap ekspektem wan dro, Siaraga i faenem baksaed blong net blong Mauwia, blong putum faenol sko long 1-0 long feva blong Siaraga.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.