Futbol

Erakor oli selebretem poen blong olgeta las wiken

By Raymond Nasse

Long dei 4 blong Port Vila Football Association (PVFA) Digicel jampionship las wiken, nomata we sun hemi hot bitim eni nara taem long sisen ya, trifala futbol maj i bin gohed long Port Vila Stadium.

Sun hemi bin strong long dei ya, be ol Port Vila futbol fans we oli fulumap stadium long 10am finis, nomata we olgeta maj bambae i kik off long 11am.

Fes maj blong dei, Shepherds United mo Digicel Amicale oli pleiem aot wan 0-0 dro afta we tugeta saed oli no save konvetem emi janis we oli bin gat long fored blong gol.

Olgeta fans oli bin gat janis blong lukim Shepherds oli kam insaed long fil wetem niufala unifom blong olgeta we tufala Sakari brata (William mo David) oli sponsorem.

Sekon maj blong dei Ifira hemi mas wet kasem namba 68 minit taem we i lukim niufala pleia insaed long tim, Joshua hemi stanap hem wan long las post mo tappem bol ia i go insaed long wan empty net.

Mauwia oli bin gat olgeta janis tu blong sko, be ‘finishing’ nao oli no save mekem nomo.

Wetem win ia Ifira hemi only tim long premia naoia we oli no lusum wan maj yet.

Faenol sko Ifira 1 mo Mauwia 0.

Las maj blong dei Erakor i kam blong winim wan strong Tupuji saed long 2-1.

Erakor nao hemi openem sko thru long Bernard Daniel, be i lukim Tupuji i kambak blong ikwalaes thru long Leo Moli.

Stret long namba 86 minit, substitiut midfilda, Jamie Molea, hemi hedem in wininn poen blong maj ya.

Dei 5 long wik ya bambae hemi las maj blong PVFA premia divisen long yia ia, mo bambae i lukim oli sarem daon Port Vila Stadium mo Van2017 bambae hemi wok blong mekem se Stadium i mitim FIFA ‘Standard’ bifo Pacific Mini Games long Disemba.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.