Futbol

Kaltfer Kaltak i kontrollem wan bol agensem wan AS Magenta difenda

Long wan wetwet aftanun long Sarere las wiken, Erakor Golden Star FC we oli stap redi blong hostem Group C aksen long Korman Stadium, oli kam blong winim fes intanasonal frenli blong olgeta long yia ya long wan sko blong 2-0.

Pablik blong Port Vila mo Efate oli bin stat fulumap Korman Stadium long 2pm finis blong oli wajem ‘curtain raiser’ we hemi maj bitwin Tafea FC mo Galaxy FC.

Maj ya hemi wan frenli nomo, mo i lukim tufala koj, Batram Suri mo Richard Iwai we tugeta i olgeta straeka oli go insaed long sekon haf, we i lukim olgeta jeneresen blong naoia i gat janis blong luk tufala foma intanasonal star ya.

Maj hemi finis mo sko i lukim Tafea FC 4 mo Galaxy FC 2.

Long 5pm stret intanasonal frenli i kik off.

Long Stadium long taem ia i lukim full Erakor vilij oli bin kam blong sapotem klab blong olgeta.

Fes haf tugeta saed i bin stap long 0-0, nomata we Pepeta hemi bin mekem sam gudfala attempt long fored blong gol.

Eli long sekon haf, Barry Mansale hemi kasem wan pass long fored blong gol mo hemi tapem bol ia i go insaed long net.

Taem we AS Magenta hemi stap lukaot ikwalaesa, Kaltfer Kaltak hemi faenem Godin Tenene long las pos, mo Tenene hemi tapem bol ia i go insaed long net blong AS Magenta, blong putum faenol sko long Erakor 2 mo Magenta 0.

Tufala klab ya bambae oli mit bageken tede long 2.30pm long Port Vila Stadium.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.