Futbol

Erakor hemi 2018 PVFA Super League wina

Olsem wan ripit bageken blong las yia, Erakor Golden Star FC oli kam blong winim Ifira Black Bird FC long grand faenol blong Digicel Port Vila Football Association (PVFA) Super League long las wiken long wan sko blong 2-0.

Taosen fan oli bin tenap long Port Vila Stadium las Sarere blong witnessim grand faenol blong bigfala kompetisen blong PVFA we i stap tekem ples everi yia.

Antisipesen i bin hae long tugeta camp full wik ya, be bambae i lukim wan tim nomo hemi kwalifae from Champions League.

Erakor Golden Star FC midfilda we klab i karem seves blong hem thru long BSP Amicale FC, Jackson Tasso, hem nao i openem sko afta long Ifira kipa, Rodolph, hemi mishandlem bol insaed long penalty eria mo kamaot saed long laen blong hem, mo i lukim oli lobbem bol ovarem hem kam stret long leg blong Tasso we hemi tappem i go insaed long net.

Fes haf i finis sko i stap long Ifira 1 mo Erakor 0.

Long sekon haf, Ifira hemi kambak insaed long gem mo oli putum presa long Erakor long fored wetem plante bol insaed long box mo samfala denjares fri kik, be oli no save putum bihaen long net nomo.

Taem we Ifira hemi stap push from wan ikwalaesa leit insaed long sekon haf, Erakor kapten, Jacky Ruben thru long wan solo effot hemi silim rod blong Erakor i go long 2019 Oceania Champions League wetem sekon poen stret long 89 minit.

Win blong Erakor ia mo sko laen ya hemi wan ripit bageken bageken blong las yia taem oli kam blong winim Ifira long 2-0 bageken long PVFA Super League grand faenol.

Wetem win ya i lukim Erakor bambae hemi travel i go daon long Santo blong pleiem Malampa Revivors long wiken ya stret long Luganville Soccer City Stadium.

Maj ya bambae i lukim oli faenem rana ap mo wina blong Vanuatu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.