Long sekon las aotstanding maj blong premia divisen blong Port Vila Football Association, i lukim long Tuesde aftanun Erakor Golden Star FC i pleiem Mauwia FC.

Long 3pm aftanun long Tuesde, Mauwia hemi go insaed long Port Vila Stadium wetem wan spirit blong win.

Insaed long fes 2 minit blong maj ia Erakor difens oli leko spes long midfil hemi open, taem i lukim wan kaonta atak blong Mauwia, i lukim Kiko, wan Japanese volontia, we i plei wetem Mauwia hemi openem sko long maj ia.

Erakor oli traem everi best blong olgeta blong kambak insaed long maj thru long Tony Kaltak mo Donlee, be i lukim everi bol we Nemani Roqara mo Gershom Kalsong i traem sendem i kam insaed long box blong Mauwia, bak laen blong Mauwia difens we kapten, Yannick Albert, i hollem taet, i no letem wan bol i go thru nomo.

Jas bifo fes haf i finis, Donlee hemi faenem wan smol spes mo sendem wan bol i go thru long hand blong Mauwia kipa mo go insaed long fes post, afta we fulap man i stap ting se kipa hemi stoppem, be bol ia i rol i go insaed long net.

Fes haf i finis, Mauwia 1 mo Erakor 1.

Long sekon haf, Erakor i makem sekon poen long semak fasin we Mauwia i mekem long fes haf, afta we i lukim wan kwik kaonta eli, i lukim Erakor hemi addem sekon poen.

Taem we Mauwia hemi stap push blong faenem wan ikwalaesa, Tony Kaltak hemi makem namba 3 poen, bageken long wan kaonta mo Mauwia hemi pulum bak sekon poen blong hem insaed long added taem we i leit tumas blong oli kambak insaed long maj, blong putum faenol sko long 3-2 long feva blong Erakor.

Erakor bambae hemi pleiem las aotstanding maj blong hem tede long 3pm wetem Ifira.

Maj ia bambae hemi determinim whu bambae hemi lidim klasmen afta long fes leg, we i shud mekem i wan interesting maj blong olgeta fan blong futbol.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.