Port Vila Football Association representatif blong go long Oceania Champions League, Erakor Golden Star FC hemi stap traem everi best blong hem blong mekem se komiuniti klab ia hemi go daon long Tahiti

olgeta ‘die hard’ fan blong olgeta.

Erakor oli stap traem everi posibol wei blong olgeta i go daon long Tahiti wetem olgeta faithful die hard fan blong olgeta we oli stap bihaen long sakses blong olgeta sins dei wan (1).

Klab hemi stap lukluk blong charterem Air Vanuatu wetem ova 100 fan oli konfem finis blong follem tim i go daon long Tahiti blong sapotem klab blong olgeta.

Klab hemi karem konfemesen olgeta fan finis long vilij nomo mo sam we oli liv araon long Port Vila se oli redi blong givim mane blong olgeta blong oli save arenjem charter ia.

Klab hemi stap askem everi sapota ya se everiwan i mas pass thru long Medical Check Up, blong save meetim rikwaemen blong travel, mo semtaem bambae hemi helpem klab wetem olgeta arenjmen blong travel.

Eksekiutif blong klab hemi apoentem Willie Wanemut mo Pierre Serel blong tufala i lukluk long booking, mo eniwan we hemi interes i save go luk tufala ia.

Klab hemi talem se arenjmen ia hemi open tu long eni futbol fan aotsaed long Erakor vilij, we olgeta i wantem go serem eksperiens blong Champions League wetem olgeta.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.