Olgeta lida blong klasmen blong premia divisen blong Digicel Port Vila Football Association Championship, Erakor Golden Star FC, oli kam blong mentenem 8 poen lid blong olgeta long klasmen afta long win ova long Mauriki long Tuesde wik ia.

Maj ia hemi hemi fes maj blong sekon leg blong Championship, i lukim long fes haf i lukim Erakor hemi bin stap lid long 1-0.

Sekon haf, Mauriki oli nomo plei plei offensive futbol olsem long fes haf, be oli plei ‘deep’ insaed long ‘own half’ blong olgeta, mo taem oli lusum bol kwik taem nomo Erakor i kambak long atak.

Erakor midfilda hemi tekem advantej long wan bol we hemi karem insaed long penalty box, afta we Erakor difenda oli foulem hem i foldaon long graon, mo hemi sendem bol ia i go insaed long net.

Wetem plante janis we Erakor i gat long fored, oli no save konvetem nomata we oli bin gat 95% o moa bol posesen long sekon haf.

Stret lontg namba 80 minit, Erakor midfilda, Kaltver Kaltak, i faenem spes long box mo dibol passem 2 difenda long laen mo sentem bol ia from roof blong net blong Mauriki.

Wetem i nomo gat eni moa opsen long fored blong Mauriki oli mas plei kaonta atak wetem wan man nomo long fored, we risal blong hem nao i lukim oli winim wan penalty leit long sekon haf, mo oli konvetem konselesen gol blong olgeta.

Wetem 3-1 blong Erakor oli konfemem lid blong olgeta klasmen bageken, mo semtaem kamaot olsem olgeta top kontenda blong tekemaot premia divisen taetol long sisen ia.

Nius blong futbol iet, long Mande wik ia, Siaraga hemi kam blong pleiem las maj blong fes leg wetem Spirit 08, mo i lukim Siaraga hemi rikodem wan 3-0 win.

Long Fraede las wik, Tafea i kam blong winim Ifira long 2-1. Yestede bifo Daily Sport hemi go long print, Digicel Amicale i stap pleiem Shepherds United.

Erakor bambae hemi pleiem bageken Siaraga long Fraede ia long 3pm.

Long olgeta maj blong wiken ia long Port Vila Stadium, long 11am, Shepherds i plei Ifira, long 1pm, Spirit 08 i plei Tupuji mo long 3pm, Tafea i plei Mauriki.

PVFA i wantem letem olgeta klab i save se oli shud komplitim olgeta sekon leg blong premia divisen long namba 26 November, mo kikim off Top Four PVFA Super League blong faenem wan wina from O Lik blong nekis yia.

PVFA i wantem advaesem olgeta klab blong premia se bambae kompetisen schedule hemi taet, be gud samting i lukim majority blong olgeta klab oli agri long schedule ia.

Long klasmen afta long maj blong Tuesde i lukim:

1- Erakor Golden Star FC 27

2- Tafea FC 19

3- Digicel Amicale FC 15

4- Ifira Black Bird FC 15

5- Tupuji Imere FC 11

6- Siaraga FC 11

7- Mauriki FC 7

8- Shepherds United FC 3

9- Spirit 08 FC 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.