President blong PVFA Referee, (left) Manual Vatu wetem olgeta sekon divisen rafri we oli werem niufala unifom mo representatif blong Erakor GS FC, Kaltatack (raet)

Afta long fes eva apiarens blong hem long Oceania Champions League, Vanuatu klab jampion hemi kam blong presentem las wik wan full set blong uniform i go long olgeta rafri blong sekon divisen.

Las wiken i lukim olgeta rafri blong sekon divisen oli werem niufala unifom insaed long kawenu fil blong save ofisietem olgeta maj.

Hemi no isi blong wan klab hemi save mekem olsem, mo from hemia Port Vila Football Association Referee hemi wantem talem bigfala tankio long help blong olgeta Vanuatu klab jampion ya, we oli luk save impotens blong olgeta lokol rafri.

Port Vila Football Association Competition Manager, Florian Sam hemi kamaot blong talem tankio long Erakor long sapot blong hem.

“PVFA hemi glad blong luk kaen sapot olsem i kam long olgeta rafri blong sekon divisen we i gat plante yangfala rafri tu oli interes.

“Developmen blong olgeta rafri hemi bisnis blong yumi everiwan, from witaot olgeta bambae i nogat olgeta maj long Kawenu, Antoinne Rossi mo Port Vila Stadium,” Sam i talem.

“PVFA hemi nidim moa niufala rafri, mo mifala wantem talem tankio long olgeta klab we oli sendem olgeta rafri blong olgeta blong kam helpem lik, be tankio bageken i go long Erakor blong kam fowod mo sapotem olgeta lokol rafri blong yumi.”

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.