Long Sarere las wik i lukim ova long 4000 futbol fan oli tenap blong wajem olgeta aksen long Port Vila Stadium.

Fes maj blong dei Siaraga hemi kam blong winim Mauwia long 2-0.

Maj ia we i lukim tufala klab we oli nidim blong win blong konfemem ples blong olgeta long premia divisen nekis sisen, i lukim fes haf, Vanuatu U20 straeka, Derrick Bule we hemi kambak afta long Singapore training camp, hemi makem onli poen long fes haf blong putum sko long haf taem long 1-0 long feva blong Siaraga.

Long sekon haf taem Bule hemi makem sekon poen blong hem thru long wan solo effot blong putum faenol sko long Siaraga 2 mo Mauwia 0.

Maj ia i lukim fes taem bageken insaed long Port Vila Stadium we i gat 4 red kad long wan maj, afta long wan insiden we i involvem olgeta pleia blong tufala klab ia, we i mas fosem rafri i sendem aot 2 pleia blong Siaraga mo Mauwia aot long fil.

Sekon maj blong dei, Tupuji Imere i kam blong winim Tafea long wan sko blong 3-2.

Don Mansale long kambak blong hem long Tupuji Imere saed, hemi kam blong konvetem 2 penalty mo Raoul Coulon hemi makem namba 3 poen.

Olgeta poen blong Tafea i kamaot thru long Evaristo Kapalu mo Zika Manuhi.

Las maj blong dei, Ifira hemi kam blong lusum fes maj blong hem long sisen agensem olgeta Vanuatu klab jampion Erakor long wan sko blong 2-1.

Pablik i bin gat blong plante blong wajem maj ia nao mo i lukim Tony Kaltak nao hemi openem sko thru long wan semi volei we hemi sendem 30 mita aotsaed long box, be i lukim Moffat Kilifa hemi ikwalaes blong Ifira.

Jas bifo maj hemi finis long 86 minit, Jack Wanemut hemi silim viktri blong klab blong hem afta we fri kik blong hem i faenem baksaed blong net blong Ifira.

Wetem olgeta risal ia blong premia divisen klasmen i luk:

1- Ifira Black Bird FC 26

2- Erakor Golden Star FC 25

3- Tupuji Imere FC 21

4- Amicale FC (no kaontem maj blong yestede) 18

5- Siaraga FC 9

6- Mauwia FC 9

7- Tafea FC 7

8- Mauriki FC (no kaontem maj blong yestede) 3

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.