Erakor oli selebretem fes poen blong olgeta las wiken

Dei 2 blong sekon leg blong Port Vila Football Association Digicel premia division blong 2018/2019 sisen i kik off las Fraede.

Long Fraede ya i lukim BSP Amicale FC hemi kam blong lusum maj ya long wan sko blong 3-1 agensem Galaxy FC.

Fes leg tufala klab ya i mit mo Galaxy hemi bin winim long wan sko blong 4-1.

Long fes maj blong Sarere las wik, Tupuji Imere hemi muv aot lojng relegesen zone taem oli kam blong winim Yatel long wan sko blong 4-1.

Sekon maj blong dei we hemi haelaet blong dei 2, i lukim olgeta lida long klasmen, Tafea FC oli kam blong dro wetem Ifira long wan sko blong 0-0.

I bin gat plante ‘drama’ long maj ya be tugeta saed i no save konvetem olgeta janis long fored blong gol nomo.

Las maj blong dei, Erakor hemi kam blong winim Shepherds United long wan sko blong 5-0.

Win blong Erakor i putum olgeta naoia long sekon ples long klasmen long gol avarej.

Sekon leg i pruvum se hemi no isi nating blong olgeta klab olsem oltaem, be long sisen ya hemi wan diferen storian from olgeta klab oli mas plei kajap wetem olgeta lida Tafea FC, we lukluk i stap se dei 3 maet bambae i gat wan niu lida long klasmen sapos Tafea FC i lus mo trifala klab bihaen long hem wetem 17 poen oli win.

Klasmen naoia i lukim:

1. Tafea FC 20

2. Erakor Golden Star 17

3. Galaxy 17

4. Ifira Black Bird 17

5. BSP Amicale 14

6. Tupuji Imere 8

7. Yatel FC 3

8. Shepherds United 3

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.