Football

AS Magenta. Photo: Alaine Vartane

Follem frenli maj blong Erakor Golden Star las wiken we hemi kam blong winim Efate United long 2-0, olgeta fan blong Shefa mo Port Vila oli bin glad long pefomens blong tufala tim.

“Long bihaf blong everi klab blong Port Vila Football Association (PVFA) mo Shefa Football Association mo everi famili blong football long Port Vila, Efate, off shore islands mo Shepherds islands, match ia hemi blong soem sapot blong everi club blong PVFA mo Shefa, mo olgeta futbol family long Erakor village, Port Vila, Efate, Shefa mo Vanuatu .

“Long local league, provinsol league mo national League yumi compete agensem wan wan long yumi be taem wan long yumi i kwalifae blong go long wan regional o international kompetisen, yumi mas kam wan mo givim sapot we yumi save givim long olgeta pleia, technical mo management blong jampion club blong yumi,” PVFA mo Shefa football oli kamaot blong talem.

PVFA hemi kamaot blong anaonsem tu se olgeta i okanaesem las mo faenol frenli blong Erakor Golden Star, we bambae hemi pleiem AS Magenta long namba 16 mo 18 February.

Tu frenli series ya hemi kam olsem las preperesen blong Vanuatu jampion klab ya bifo oli kikim off Oceania Champions League Group C kampen blong olgeta long Korman Stadium long namba 23 February.

PVFA hemi stap askem olgeta fan blong kam plante mo sapotem Erakor long taem ya. Erakor bambae hemi pleiem AS Magenta long 2.30pm long Port Vila Stadium, long namba 16 mo 18 February.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.