Minista blo Yut mo Sports development, Seule Simeon hemi launchem ol programs blo Emau Boxing klab las Friday lo X-FOL.

Minista Simeon emi talem bigfala tankiu lo Emau boxing klab blo save kam blo save kodinatem ol program bageken afta we i bin stab quiet blo hamas yia we i pas. Emi se ol inisitif olsem oli save pulum bak interes blo ol yut blo oli save kam involve moa lo sports indastri. Emi talem tankiu tu lo papa God blo save mekem launching ya i posibol tedei.

Presiden blo Emau Boxing Klab, Samuel Jeffrey emi talem se launching blong Klab tedei emi ko in line wetem Shefa sports developmen program wei mein tingting blo statem program ya emi blong priperem ol yang boxers blong yumi lo Efate tuwods 2022.

Mr Jeffrey i talem se program ia i includum tu ol narafala sports disiplin. Emi konfemem se Emau boxing klab we emi jes revive, bambae emi kodinatem ol boxing program.

Presiden Jeffrey emi talem se wan lo ol eria we oli wantem ajivim emi blong karem tugeta ol talented boxers blong yumi lo Shefa we fulap taem, oli no save kam lo olgeta trial blo boxing seleksen from nomo lo ol venues blo trening mo tu, jalenj blo transpot. Emi talem se i gat fulap lo jampion boxers blo umi we oli stab haed raon lo Efate, Shefa mo Vanuatu mo program ya emi kam blo pulum bak ol interes blo olketa blo oli save kam mo traem aot ol talent blo olketa.

Mr Jeffery emi talem se launching blo tedei emi savei tekem ples nomo tru lo olketa partners we i save tekem time blo save mekem launching ia i posibol. Emi komendem Nasonal Sports Kaonsel blo savei provaedem venue blo launching ia tedei mo karemaot ol trenings lo em, Shefa provinsel kavman blo save draevem inisitif ya, tru lo sports ofisa blo olketa, blo save allowem Emau boxing klab blo save kodinatem program ya, tu lo kavman blo yumi blo save sapotem tingting ya mo tu ol donas we oli save rispons lo time blo yumi save witnessem programs ya tedei.

Presiden blo Shefa provinsel kavman, Katawa Vatoko emi talem se emi hapi bigwan lo launching blong program tedei. Emi se ol inisitif olsem emi save promotem boxing ino lo Efate nomo beh lo Vanuatu tu. Mr Vatoko emi konfemem se ofis blo em emi komitim em blo sapotem ol program olsem we emi save faetem daon tu crime lo Vanuatu. Emi talem tok tankiu lo Emau boxing klab komiti lo gudfala preperesen we i stap.

Akting directa blo yut mo sports development, Johnson Toa emi hapi tumas lo tingting bihaen lo launching ya we pa i save helpem ol yut blo yumi blo oli savei involve mo lo ol programs olsem blo save helpem olketa.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.