Eagle Watch Security i givhan long Ifira Rugby 7s tim

Tede long Kawenu fil bambae i lukim annual Rugby 7s tunamen blong Labour Sevens bambae hemi kik off long 8am.

I gat 12 tim blong olgeta man mo 5 tim blong olgeta woman,bambae oli kompit from taetol ya.

Olsem everi yia hemi no isi blong wan Rugby 7s tim hemi pripea thru aot long yia from olgeta lokol 7s tunamen.

Long 2019 Edisen blong Labour 7s, Eagle Watch Security kampani hemi kam blong givhan long Ifira Rugby 7s tim taem oli givim wan jek we bambae i kavaremap patisipesen fee long tunamen ya mo oli handem ova tu olgeta eski, wota botel, fitness ladder mo hurdles mo 10 rugby ball, blong Ifira hemi yusum thru aot long tunamen ya tede.

Ifira olsem yum everi wan i save oli wan 7s pawa haus long kaontri mo tede bambae oli enterem fil wetem olgeta niufala gear ya mo hopefully hemi shud be inaf blong boostum moral blong olgeta pleia insaed long fil.

MP Joshua Kalsakau nao hemi sponsarem Labour 7s long yia ya.

Long nara nius blong spots, tede long 2pm long Port Vila Stadium, MG Tafea FC bambae hemi pleiem Galaxy FC blong faenem wan ples insaed long 2020 OFC Champions League.

Naoia we tufala klab blong New Caledonia oli brekem daon dominens blong pawa haus ya New Zealand hemi abaot taem Vanuatu hemi follem semak rod.

Maj bambae hemi kik off long 2pm long Port Vila Stadium.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.