Disaplin hemi key blong winim medal

Olsem olgeta nara taem long histri blong Vanuatu long olgeta Pacific Mini Games , Pacific Games, o intanasonal spots ivent, disaplin nomo hemi key blong wan tim o individual i save winim wan medol.

Olsem fasin blong yuim longtaem finis i kam, yumi no save soemaot stret kala blong yumi.

Taem we we yu stap insaed long klasrum o long fil blong plei, tija o koj i askem afta long wan eksampol, i se saye yufala i kasem, ale yu se yes, be hemia hed i fasfas olgeta, be from nomo yu no wantem talem stret samting, yu sem from.

Taem we yu go long haus blong wan man, ale man ya se hey yu kaikai finis, ale yu kerap yu se yes, be wea hemia yu hangre blong ded ya nao.

Olgeta fasin blong yumi olsem nao i lidim yumi go long problem blong disaplin.

Wan athlet i no save admitim hem wan se hemi nidim moa taem o hemi no save mekem hemia.

Konfidens level blong olgeta athlet blong yumi i daon tumas ‘phsycologically’ yumi weak, yumi no save stanap blong toktok blong talem aot tingting blong yu wan.

Olgeta smol smol samting olsem, long end blong wan trening sesen, klosing preya, bambae i had blong luk wan athlet i kamaot blong volontia blong mekem, instead bambae koj blong hem yet hemi mas fosem wan blong mekem.

Daily Sport hemi kasem wan ripot yestede se gat sam long olgeta athlet long Erakor oli go stap drink kava kaen ya, we hemi soem end risal blong tingting ya nao, yumi no save lisen mo talemaot tingting blong yu wan.

Vanuatu i nid blong kamaot long olfala tingting ia sapos hemi wantem ajivim moa long Mini Games ya, naoia Gavman hemi pleiem pat blong hem finis, naoia hemi taem blong yufala olgeta athlet blong soemaot long Pacific se yufala tu i redi.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.