Long olgeta dei 5 aksen long premia divisen las wiken i lukim wan win mo 2 dro.

Fes maj blong 11am, Digicel Amicale FC hemi kam blong pullum bak sam poen blong kajap wetem tufala lida long klasmen, Ifira Black Bird FC we hemi bye las wiken mo olgeta jampion, Erakor Golden Star FC we naoia oli stap long Tahiti from kampen blong olgeta blong Oceania Champions League.

Jackson Tasso nao hemi putum icing long cake, afta we hemi konvetem wan penalty, afta we oli foulem straeka, Richard Ben insaed long box, blong putum faenol sko long 3-1 long feva blong olgeta foma jampion, Digicel Amicale FC.

Digicel Amicale oli plei witaot ‘versatile’ difenda blong olgeta Namuli Joseph, afta we hemi kasem wan maj saspensem follem red kad we hemi kasem wetem Tafea FC.

Sekon maj blong dei Siaraga FC hemi kam blong dro 1-1 wetem olgeta niufala kama insaed long premia divisen, Mauwia FC.

Siaraga kapten, Jezino we kolosap hemi sko long everi maj hem nao hemi kam blong putum sko long 1-1 afta long faenol wisil afta we Niko Apal hemi openem sko taem hemi jipim bol ova long Siaraga kipa.

Maj ia i makem sekon dro blong Mauwia long jampionship, afta we oli bin dro long dei 1 wetem Tafea FC.

Las maj blong dei, Tafea FC i kam bihaen blong sekiurum wan 1-1 dro wetem Tupuji Imere FC.

Tafea hemi dominetem fes haf wetem ova long 5 janis blong sko be oli no save konvetem olgeta janis ia nomo.

Long sekon haf, Rodney Serveux hemi openem sko, be i lukim top skora blong Tafea FC mo semtaem kapten, Edison Stephen, hemi kam blong ikwalaes sam minit nomo bifo maj hemi finis.

Port Vila Football Association hemi still shot long olgeta maj ofisol, mo i gat bigfala nid blong oli mas trenem sam niufala wan.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.