Futbol

(L-R) Diego Benedito Galvão Máximo wetem Digicel Amicale ofisol, William Malas

Digicel Amicale FC long yestede aftanun stret long 2.30pm i lukim araevol blong las impot pleia we bambae hemi komplitim Oceania Champions League tim blong olgeta Vanuatu jampion, Diego Benedito Galvao Maximo, blong Brazil.

Maximo we hemi plei futbol long 4 continent finis, South mo North America, Asia mo Europe, hemi gat 29 yia, hemi 1.93 mita long height, size blong wan basketball pleia, mo bambae hemi festaem blong hem blong plei futbol insaed long Oceania.

Apiarens blong wan Brazilian pleia insaed long Vanuatu jampion saed, bambae hemi no wan niu samting long olgeta fan afta we long 2012/2013 sisen i bin lukim presens blong Jefferson Moura mo Ezequiel Paulo Da Cruz, we tufala i bin stap long ol eli 20 yia blong olgeta.

Nomata we Moura nomo hemi bin plei sam domestik gem, we i lukim hem wan i bin bringim ‘Brazilian flair, samba’ insaed long tim mo semtaem givim olgeta Digicel Amicale fan sense blong hop mo biliv, Maximo hemi bringim moa long wanem tufala compatriot blong hem i karem i kam long klab, from bambae hemi ankarem difens blong olgeta Vanuatu jampion ia olsem ‘Central Defender’.

Daily Sport i bin manej blong kasem fes intaviu blong Moura mo Da Cruz taem tufala i kasem kaontri, mo Moura hemi bin talem long Daily Sport se fevered pleia blong hem hemi Andrea Pirlo, be hemi preferem moa long Zinedine Zidane. Moura hemi talem se drim blong hem hemi blong winim 2012/2013 Champions League blong Oceania, mo hemi sem toktok we Maximo hemi talem.

Maximo hemi statem karia blong hem long hom kaontri blong hem, long wan klab long Sao Paulo oli kollem Guaratinguetá Futebol, mo afta long hemia hemi bin travellem wol mo end up long Mexico, Poland, Malta, Iran we i lukim hemi bin plei long Persian Gulf Pro League mo naoia hemi stap wetem olgeta Vanuatu jampion blong kontiniu long drim blong hem.

Wetem araevol blong Maximo i lukim naoia i gat 2 South American pleia, Diego Nadaja blong Argentina mo hem.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.