Credit Corporation i givhan long Athletics

Afta we Gavman hemi kam blong givhan long Athletics Vanuatu wetem wan bus blong oli save yusum blong transpotem olgeta athletes i go mo kambak long trening long Korman Stadium, Credit Corporation oli kam blong givim sam moa sapot long Athletics.

Taem we kalenda blong athletics long yia i fulap wetem Nasonal Games long nekis manis, Oceania Athletics Championship long Townsville, Australia long manis June mo Pacific Games long Samoa long July, plante long olgeta athletes oli no wok mekem se i had blong oli go mo kambak long trening.

Be Credit Corporation hemi luk save nid ya mo hemi step in blong givim Vt36,000 blong pem wan drum fuel blong mekem se olgeta athlete we oli save go mo kambak long trening wetem bus we Gavman hemi givim ya.

President blong Atheltics Vanuatu Rex Issachar hemi talem se help we Credit Corporation hemi givim i kam long stret taem we olgeta i nidim fuel blong save provaedem transport i go mo kambak long trening, espeseli long wan taem we majority long olgeta athletes oli no wok.

Issachar i konfemem se plante long olgeta nasonal athletes oli go bak mo representem provins blong olgeta long Nasonal Games nekis manis.

Hemi talem tu se Athletics kompetisen long Nasonal Games, bambae hemi stap olsem Nasonal Athletics Championship.

Raymond Nasse

Sports Editor

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.