Futbol

Siaraga oli selebretem wining poen blong olgeta las wiken

Long olgeta maj blong sekon leg blong Port Vila Football Association las wiken i lukim 2 win mo 2 dro.

Fes maj blong dei 11 i lukim long Fraede las wik, Shepherds United hemi kam blong skorem 2 fes poen insaed long long fes 20 minit blog gem, be i lukim taem tufala tim i stap go insaed long haf taem, BSP Amicale hemi kam blong ikwalaes.

Long sekon haf, Jackson Tasso mo Abet Vanva tufala i kam blong addem nem blong tufala long sko sheet, blong putum faenol sko long feva blong BSP Amicale long 4-2.

Fes maj blong wiken ya, Mauwia hemi stap lidim sko laen long fes haf long 1-0 agensem Siaraga long haf taem.

Long sekon haf Siaraga hemi kambak insaed long gem blong putum 2 poen thru long Nazimento blong winim maj ia long wan sko blong 2-1.

Mauwia oli nogat eni poen yet long klasmen, mo las wiken oli no save stoppem hemia nomo taem we Siaraga hemi addem sekon poen blong hem leit i go insaed long end blong sekon haf.

Sekon maj blong dei, Tafea i kam blong dro wetem Ifira long 1-1.

Tafea FC nao hemi openem sko thru long Evaristo Kapalu, be i lukim John Damelip hemi kam blong ikwalaes long sekon haf.

Las maj blong dei, Tupuji Imere i kam blong dro wetem Erakor long wan sko blong 1-1.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.