Futbol

Bong Kalo taem hemi kambak las Fraede. Photo: Kalpat Steedman

Long Fraede aftanun las wik Bong Kalo hemi kasem wan hero’s welcome long Bauerfield Airport, afta long 3 manis wetem FC Ascona long Switzerland.

Kalo hemi spendem las 3 manis wetem FC Ascona blong hem hemi bildim ap hem mentally mo physically.

Hemia yet hemi no inaf mo hemi nidim 3 moa manis bageken stat long Februari nekis yia blong hem go bildim ap hem wan, technically mo tactically.

Olgeta 4 komponen ya nao hemi mekem ap wan profesonol pleia.

Olgeta profesonol klab oli no wantem yu kam joenem olgeta blong oli fomem yu bageken, oli wantem karem wan pleia we i kam in blong fitim nid blong klab ya, be i no blong klab i fitim nid blong pleia.

Tekem eksampol long wan pleia blong Juventus, we hemi mekem i go insaed long Juventus Academy, be from hemi lackem wan long olgeta 4 komponen ya mekem se i mas kam long FC Ascona blong oli fomem gud hem bageken bifo hem i go bak long Juventus.

Pleia ya nao bambae hemi go wetem Bong long Juventus B, afta we Bong i passem 3 manis fomesen wetem FC Ascona nekis yia.

Agent blong Bong, Bruno, hemi negosietem muv blong Bong finis, mo FC Ascona hemi awea long hem.

Plante fans oli askem sapos Bong bambae hemi plei long Pacific Mini Games, ansa blong hem i stap wetem Vanuatu Football Federation mo Bong, from mentor blong Bong, Moise Poida hemi talem se injury hemi wan fraet blong hem naoia, nogud Bong hemi spoilem rod blong hem blong kasem wan profesonol kontrak.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.