Futbol

Yatel oli selebretem sekon poen blong Lolo Bahormal we i karem olgeta i go long premia long niufala sisen

By Raymond Nasse

Fulap man oli stap antisipetem se Yatel FC bambae hemi plei long premia long 2018/2019 sisen afta long 1-0 win blong olgeta agensem Siaraga las wiken.

Olgeta rana ap blong fes divisen oli kikim off relegesen maj blong olgeta wetem sekon las long klasmen blong premia, Siaraga wetem wan 1-0 win las wiken, be follem regulesen oli mas plei wan moa gem bageken blong konfemem spot blong olgeta long premia.

Long Wednesde stret long 2pm long Port Vila Stadium Yatel we hemi stap lid naoia long aggregate blong 1-0 hemi pleiem return maj.

Taem we rafri Robinson Banga hemi blowem wisel, Siaraga hemi putum everi bol blong hem long fored blong traem faenem wan eli poen blong kambak insaed level wetem Yatel.

Wetem bigfala namba blong olgeta pleia blong Siaraga oli focus long attack long fored, Yatel FC straeka Angelo Bahormal hemi faenem baksaed blong Siaraga thru long wan kaonta attack mo semtaem putum aggregate blong sko naoia i stap long 2-0 long feva blong Yatel.

Siaraga hemi kambak insaed long gem taem we kapten, Jessino Massimeto hemi kam blong ikwalaes blong putum aggregate sko long 2-1 long feva blong Yatel.

Difens blong Yatel hemi mekem wan mistek bageken blong lukim Dolsen Bule hemi putum namba 2 poen blong Siaraga jas bifo sekon haf hemi finis, blong putum sko long 2-1 (2-2 aggregate), i mekem se maj i mas go long ekstra taem.

Long ekstra taem fes haf i nogat eni sko nomata we tufala tim i bin gat plante janis.

Long sekon haf straeka, Bahormal bageken long wan kaonta atak hemi makem sekon poen blong hem mo semtaem sendem klab blong hem i go long premia nekis sisen wetem wan aggregate sko blong 3-2.

Olgeta fan blong Yatel bambae oli kam plante bageken olsem bifo bageken long Port Vila Stadium long niufala sisen we i stap kam ya.

Yatel FC hemi bin plei las wan long premia long 2014 mo hemi drop i go kasem sekon divisen, mo afta long 4 yia hemi kambak long premia bageken.

Raymond Nasse

Sports Editor

raymond@dailypost.vu

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.