2019 Bae hemi wan narafala sakses yia blong WSB Shefa Futsal Lik

Harry Piere,Wan Smol Bag Shefa Futsal Lik President

WSB Shefa Futsal Lik President Harry Pierre hemi stap wishim every executive member blong WSB Shefa Futsal Lik we hemi lidim long las yia i kam,ol executive member blong ol club we oli affiliate i kam insait long lik, mo olgeta players wan hapi niu yia 2019. Long semtaem hemi talem se, “yia ia bae hemi wan sakses yia blong WSB Shefa Futsal Lik”.

Hemi addem tu se bae lik hemi statem yia wetem wan gudfala tingting, gudfala spirit blong sportsmanship blong kat olgeta skillfull pleya, we tete plante long olgeta oli plei long outdoor mo wan gudfala exampol nao hemi Ronaldo Wilkins we naoia hemi plei wetem Shepherds United.

Daily Sports hemi gat janis blong save toktok wetem presideny Pierre abaot adjivmen blong lik long las yia,mo hemi talem se,”mi olsem president mi wantem talemaut se las yia hemi wan yia blong adjivmen long said blong olgeta development programe blong lik,ol lik programes, mo development long olgeta junia mo senia level tu. Lik wetem help blong Wan Smol Bag tufala i okanaisem olgeta development programes.

Wan long ol bikfala adjivmen nao,taem lik hemi sentem wan team blong U18 squad I ko patisipet long Oceania Tunamen(OFC) long New Zealand,we hemi fes taem we futsal blong Vanuatu wetem wan team blong olgeta yangfala nomo we oli manej blong save karem bronze medal we hemi festaem tu long histri blong futsal long Vanuatu we oli kam rana up blong tufala pawa haus blong futsal we hemi New Zealand mo Solomon Islands blong sikiurum namba 3 ples wetem wan medal,we oli neva kasem wan stej olsem taem oli stap tekem pat long tunament blong futsal long Oceania,be wetem posisen we oli stap long hem I soem olgeta hadwok blong olgeta mo komiktment blong team,we komperem wetem olgeta narafala kantry we olgeta oli trening long wan high mo stantet level, be i no hemia nomo be bae oli tren mo traem best blong olgeta blong impruv.”

WSB Shefa Futsal Lik hemi kat wan totol blong over 30 clubs we oli affiliet i kam insait long lik,hemi tekem tugeta team blong olgeta man mo woman.

Mr Piere hemi talem tu se bambae executive comitti bae hemi sitaon long tete Tasde, blong save tokbaut planning blong lik long yia ia 2019.

Taem Daily Sports hemi stap askem about wanem nao bikfala competisen we lik I stap lukluk long hem long bikining blong yia ia,taem president i kam blong talemaut se wetem gold medal we Shefa Futsal Team hemi bin karem long las provinsel kem hemi wan must we team hemi stap pripea blong defentem gold medal blong olgeta bakeken long Tafea gem we bae hemi tekem ples long manis blong May long yia ia.

Wetem hemia president I talem tu se wan long olgeta kols blong hem blong yia ia, olsm karent president hemi wantem blong promotem development programes blong olgeta pikinini long skul holidei,futsal team blong ol woman mo tu beach soccer.Mr Piere hemi stap talem toktok tankio blong hem i ko long WSB blong save sapotem lik mo Vanuatu Football Federation.

Wetem hemia,Shefa Futsal Lik hemi no openem doa blong hem yet be olgeta trening I bin stat finis long las wik i kam,afta long executive meeting blong tete nao bae oli jes ofisoly anaonsem deit we bae lik hemi kikoff wetem olgeta programes blong hem.

President Pierre hemi stap askm strong olgeta olfala pleia blong save ko atendem trening, risen from bae seleksen we bae lik i mekem long yia ia blong ko tekem pat long Tafea Games we bae hemi oli fildim wan mix team blong olgeta senia mo junia pleya.

WSB Shefa Futsal Lik president Pierre hemi stap congratuletem olgeta clubs we oli topem 3fala divisen blong las yia we i mekem las yia hemi wan sakses,be i no hemia nmo yia ia bae hem i kat moa kompetisen mo tunamen we bae i mekem yia ia bae hemi wan moa bisi yia blong lik.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.