Ostrelia mo Niu Zilan blong stat kodinatem ol profesenol midelweit faet lo Pasifik

Mr Michaelson Abel, wan long olketa longtaem boxing promota lo Vanuatu.

Wan long olgeta longtaem boxing promota lo Vanuatu, long 1980 i kam, Michaelson Abel hemi konfemem se olgeta boxing offisol lo Australia mo New Zealand oli stap rikwestem ol midel weit boxa blong Vanuatu blo oli save tekpat lo wan kompitisen wei bambae oli hostem long ol manis wei i stap kam.

Mr Abel hemi talem se bigfala tingting bihaen lo muv ia emi blong lukaotem mo faenem aot olketa intres boxa blong Vanuatu wei oli intres blong leftemap karia blong ol insaed lo indastri ia. Hemi talem se sins leit Philip Kating, Vanuatu i nomo kat wan profesenol boxa long midel weit kasem tedei.

Hemi resemap konsen blong hem se Vanuatu long 1980 i kam, hemi stap olsem wan long olketa pawa haus blo boxing insaed lo Pasifik rijen mo from wanem hemi stap silip yet kasem tedei.

Mr Abel hemi talem se kompetisen ya bambae tufala kaontri ia noaio bambae i kodineitem. Hemi konfemem sei oli bin kolem mo askem ol profesenol midel weit boxa blong yumi bei hemi nokat wan stret ansa blong talem. Hemi talem se risen ia nao, hemi kam blong mekem apil ia i kolo evri boxing klab mo boxa blong oli save kam fowod blong ol arenjmen wetem tufala kaontri ia i save kohed.

Hemi konfemem sei ino Vanuatu nomo wei oli bin rikwestem blong tek pat lo kompitisen ia. Olketa narafala Pasifik kaontri tu oli risivim rikwes ya. Mr Abel hemi stap apil iko long olgeta boxing klab mo ol boxa thruaot lo Vanuatu, man mo woman, espeseli lo TAFEA, MALAMPA, SHEFA, TORBA mo SANMA blo oli kam fowod.

Hemi talem tu sei bambae i kat kontrak bitwin Australia mo New Zealand blong savei kondaktem trening blong olketa boxa bifo kompitisen hemi save kohed. Hemi talem sei Vanuatu i stap kwaet tumas longtaem i kam mo hemi taem blong hemi stat blong pulum soks i kobak antap insaed lo boxing indastri blong Vanuatu.

Hemi talem sei ol boxa oli save kontaktem hem long fon namba #5603752 eni taem blong konfemem intres blong olketa. Hemi stap apil espeseli i go lo man mo women wei yia blong olketa i kasem 18-29 mo weit blong olgeta hemi 70-75kg.

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.