Futbol

Auckland City FC. Photo: OFC

Wetem jampionship hemi stap kik off long namba 19 September, President blong Vanuatu Football Federation (VFF), Lambert Maltock hemi kamaot blong anaonsem wan intanasonal frenli we i shud happen long Port Vila Stadium long manis September.

VFF President Maltock hemi talem se Auckland City hemi sendem toktok i kam se oli stap lukluk blong travel i kam daon long Port Vila blong mekem 2 pre season frenli. Wan wetem Galaxy FC mo narawan wetem wan seleksen blong VFF Pacific Games Team/Olympic Games team.

Galaxy FC hemi awea finis long kaming blong Auckland City mo tu VFF mo oli toktok finis man we hemi oganaesem trip ya David Firisua, abaot posibol cost blong visit blong olgeta i kam daon ya.

Firisua hemi proposem se bambae olgeta frenli ya i kik off long Tasde namba 20 September, wan dei afta we jampionship i kik off mo long Sarere namba 22 September.

Pepos blong kaming blong Auckland City hemi blong oli plei Galaxy mo traem testem aot Olympic seleksen blong Vanuatu, long tingting se bambae olgeta i scoutem tu sam potensol yang pleia blong olgeta i save rikrut olgeta.

Auckland City hemi stap mekem muv ya from olgeta i stap lukluk blong sendem Brian Kaltak mo Micah Lealafa i go plei klab futbol blong olgeta long Japan nekis yia mo oli wantem sam niufala yang pleia blong kam insaed mo tekem ples tufala ya.

Kaltack mo Lealafa bambae tufala i joinem Auckland City i kam daon nekis manis long Port Vila.

I no hemia nomo i gat plante samting tu we Firisua bambae hemi jas kam blong tokbaot.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.