Athletics

Tufala President, Rex Issachar mo Ancel Nalau i stap handem ova jek i go long CEO David Patunvanu (left)

By Raymond Nasse

Afta long eleksen blong niufala Eksekiutif blong Athletics Vanuatu las wik, i lukim Athletics hemi kikim off 2018 long wan positif note.

Stret afta long eleksen, President blong Athletics Vanuatu, Rex Issachar hemi bin anaonsem se olgeta bambae i traem expandem athletics i go long olgeta nara provins raon long kaontri semak olsem futbol.

“I gat wan longterm plan i stap blong mekem se bambae everi lik mo assosiesen raon long kaontri, olgeta athlete we oli kompit anda long olgeta oli mas gat wan laesens we oli pem i kam long Athletics Vanuatu blong alawem olgeta blong kompit.

“Semtaem tu bambae i save help tu blong kontrollem seleksen, from whoever i nogat laesens i no save kompit long nasonal, rijinol o intanasonal tunamen, mo bambae i help bigwan taem yumi stap mekem seleksen tu,” Issachar i talem.

Blong mekem olgeta wok ia i happen i nidim mane.

Jas afta long eleksen blong niufala Eksekiutif Athletics Vanuatu President Issachar mo Vaes President, Ancel Nalau tufala i handem ova wan jek blong Vt60,000 i go long niufala CEO blong olgeta, David Patunvanu, we hem nao bambae hemi injaj long administresen mo mekem sua se olgeta tingting ia i mas gohed.

“Patunvanu hemi wan yang man we laef blong hem hemi athletics, mo hem nao bambae hemi delivarem olgeta tingting blong mifala long taem we mifala i wantem,” Issachar i talem.

Blong mekem sua se olgeta tingting i happen, Athletics Vanuatu hemi gat bihaen long hem backing blong Oceania Athletics Federation we bambae olgeta i wok kolosap wetem CEO Patunvanu blong mekem sua se olgeta isiu konsenem development i mas kasem level blong provins mo olgeta komiuniti insaed long everi provins blong Vanuatu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.