Athletics

Ofisol ribbon cutting seremoni blong openem niufala ofis blong Athletics Vanuatu

Athletics Vanuatu Federation I openem niufala ofis blong hem blong festaem long Tuesdei naet long Korman sporting complex long building blong Vanuatu Cricket haus.

Long taem blong opening blong niufala ofis, President blong Federesen Rex Issachar I talem se hem wetem executive blong hem i proud tumas we oli save openem niufala ofis blong festaem long Korman.

Chief Executive Ofisa blong Vasanoc Henry Tavoa i congratuletem AV blong save gat wan niufala ofis mo talem se olgeta spots federesen oli stap had wok naoia blong faenem wan ofis long taon.

Tavoa i gohed blong talem se olgeta spots federesen we oli kat ofis oli mekem gud wok blong admintresen blong olgeta mo stap enkaregem olgeta narafala spots federesen blong mekem semak wetem Athletics Vanuatu.

Long dei ya i lukim full Executive Board blong AV hemi writem wan new page bageken long development blong Sport ia taem ova long 100 Athletes mo official Oli witnessem official opening ya.

Olgeta ofisol we oli bin stap long dei inkludum VASAONC CEO Henry Tavoa, i gat JeanBae Tranute Honorary President blong Athletics Vanuatu mo President blong Paralympic Association blong Vanuatu, Margaret Macfarlane.

Long speech blong Honorary President blong AV, Tranute hemi talem se sins 1965 Athletics Vanuatu i tekem pat long South Pacific Games long Fiji, afta long sam yia afta hemi tekem ap posisen olsem President blong AV

Tranute hemi talem se long taem ia olgeta athletics memba oli smol nomo be oli komitim olgeta bigwan taem hemi kam long saed blong disaplin mo trening. “Ofis long taem ia hemi stap nomo long haus, be wetem hemia we i open ya hemi fes wan long histri blong spot, mo mi glad blong luk se Athletics i stap long good hands.”

Athletics Vanuatu Federation wantem tekem opotiuniti ya blong talem bigfala tankio i go long Vasanoc board Mo management blong save stap facilitatem Athletics mo olgeta spot federesen long olgeta yia we i pass kasem tede, we oli still kontiniu blong provaedem sapot ia long saed blong advice , meeting room, internet mo financial sapot.

Tede Athletics Vanuatu i gat two ful taem staff blo save wok full-time long office ia mo save ranem olgeta program raon long olgeta aelan blong Vanuatu. Ino hemia nomo hopefully sapos i gud oli talem se bambae oli save inkrisim namba blong olgeta staff i go antap blong sapotem growth blong spot ya. Athletics Vanuatu board I plan tu Blo recruitm wan mo development officer Blong wok long northern provins mo wan blong konsentret long southern pat. Las wan oli stap lukluk long gat wan Media Officer blong AV.

Hemia vision mo Aim blong current president blong mekem spot ia i kam namba wan ‘individual ‘sport bageken long Vanuatu..

Wetem niufala ofis we open bambae i save helpem discipline ia blong priperem gud olgeta athlete blong kaontri we bambae oli go long Pacific Games long Samoa neks yia 2019, from Pacific Games.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.