Athletics

AV Executive

Follem postponement Blo Annual General Meeting (AGM) blong Athletics Vanuatu (A)V we i shud tekem ples las yia long manis October, bigfala body blong Athletics long World (IAAF) International Association of Athletics Federation through long (OAA) Oceania Athletics Association i odarem Athletics Vanuatu blong mas hollem AGM meeting Blo hem lo March 19th — 20th. 2019.

Follem wan email we i kasem President blong AV, Rex Issachar hemi advaesem Issachar mo Executive we hemi lidim se deit blong AGM i overdue finis mo AGM i mas tekem ples kwik taem blong electem niufala Executive board blong Athletics Vanuatu we OAA mo IAAF bambae oli kam witnessim eleksen ya.

Follem Instraksen ia blong notis blong AGM blong Athletics Vanuatu, notis oli bin sendemaot finis las Fraede i go long olgeta provinsol lik President mo tufala municipality blong advaesem olgeta long AGM blong AV.

Daily Sport i andastan se long taem blong AV AGM ia bambae oli endorsem niufala Strategic Plan blong Athletics Vanuatu we bambae hemi festaem eva mo tu bambae oli presentemo Annual report blong 2018 we current Executive President, Rex Issachar

Issachar i pointem aut se current Executive we hemi lidim i glad tumas blong save ajivim Strategic Plan ia from hemi wan bigfala achievement blong Athletics Vanuatu. Issachar i endem toktok blong hem blong talem bigfala tankio i go long Margaret Macfarlane blong Paralympic Association Committee blong save assistim Athletics Vanuatu blong save gat wan 2 Year Strategic Plan, from plan ia i save helpem growth blong spot ia i kam bigwan moa long fiuja.

Long saed blong 2018 Annual Report bambae copy blong report i kavaremap financial report mo olgeta development we i bin ‘achieved’ long 2018. Copy blong annual report ia bambae i kasem everi stakeholders inkludium olgeta platinum sponsor blong spot ya we oli stap bihaen long sakses blong spot ya kasem tede.

Long nara nius blong AV, President Blo Athletics Vanuatu Issachar Mo Secretary General blong hem, David Benjimen bambae tufala i lego Port Vila long namba 15 March blong go tekm pat long bigfala Congress blong Oceania Athletics Association we bambae i stap long Cold Coast long Brisbane, Australia. Congress ia i tekem tugeta everi member Federation blong Oceania rijen mo representative blong IAAF.

Mein Agenda Blo Congress i blong mekm eleksen blong niufala Executive board blong Oceania Athletics Association. Rex mo Benjimen bambae oli kasem bak kaontri long namba 19 blong kikim off AGM blong AV.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.