Tafea FC

Olgeta Coupe du President 2015 jampion

Tafea FC oli jas kambak nomo long New Caledonia, stret long Northern Province, follem wan invitesen we oli bin kasem long premia klab blong New Caledonia, Hieghene Sport.

Tour ia hemi follem wan invitesen we i bin kam lo Hieghene Sport blong Northern Province blong New Caledonia we hemi Club blong Bertrand Kai mo olgeta Kayara brata, sam long ol well known futbol nem mo nasonal rep blong New Caledonia, oli bin sendem i kam long Tafea FC blong go tekem pat lo wan 1 dei tunamen ia.

Tunamen ia we oli singaotem we oli singaotem Coupe du President - Hieghene Sport (HS). President blo HS we hemi sem taem Mayor blong Hienghene, hemi kamap wetem inisietif ia blo helpem leftemap standad blong futbol long Northern Province blong New Caledonia mo semtaem extendem frenship blong olgeta wetem ol nara tim aotsaed, thru long spot.

Initially, i sapos blong gat wan tim blo Tahiti, Lifou, Tafea FC, Hienghen Sport, mo wan seleksen blong Northern Province, be i lukim 2 tim nomo i kam mekem se i gat 3 tim nomo i bin tekem pat long tunamen ia, Tafea FC, Hienghene, mo seleksen blong Northern Province.

Tafea FC I bin kasem faenol mo winim Hienghen long penalty shoot out afta we yang Under 20 golkipa blong Tafea FC, Angelo Nirua, boe blong foma golkipa blong Tafea mo semtaem current Honorary President, Jean Pierre Nirua, hemi stopem las penalty blong Hienghene.

Tafea FC I bin travel wetem 16 pleia, we insaed i gat 3 pleia blong Tafea FC blong Luganville Football Association.

Management blong Tafea FC hemi bin agri blo tekem up challenge ia mo usum olsem wan stat blong preperesen tuwods VFF TVL National Super League we bambae i tekem ples lo September 2015, mo semtaem establishim wan sista klab relesenship wetem Football Club blong Hieghene.

Tafea FC hemi wantem talem bigfala tankio i go lo olgeta sponsa blong hem long Port Vila, Luganville mo New Caledonia blong mekem i posibol blong klab save mekem shotfala saksesful trip ia.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.