Medikol Tim blong Vanuatu i wonem olgeta atlet blong tim Vanuatu blong mas lukautem gud olketa nao ia iko follem sik daeria we i stap long Port Vila nao ia.

Medikel Tim blong Vanuatu i reisem konsen ia, afta we i kat sam cases we surveillance tim blong Hospital i rikotem sam cases mo oli tritim. Follem report ia, Medikol tim blong Vanuatu i advaesem olgeta atlet mo ofisol blong tim blong mas washem hand afta long toilet, mo bifo kakai mas washem hand. Oli talem tu se bambae oli no mas kakai olbout, be kakai nomo long Konvensen .

Games Village

Chef de mission blong Tim Vanuatu, Henry Tavoa i talem se i kat kolosap 250 atlet mo ofisol blong Tim Vanuatu i stap long Games Village naoia long Freswota skul.

Tavoa i talem se Vanuatu naoia i gat biggest tim long Mini Games ia we hemi 280. Hemi talem se i gat tri sports disaplen nomo we bambae oli muv in i kam long Village taim date blong kompetisen blong olketa I kam kolosap. Chef de Mission blong Vanuatu ia I talem se I kat sam disiplen nomo we i stap autsaed olsem Rugby 7s tim, Netball, Karate mo Basketbol, we kompetisen blong olketa i stat long wiken ia o nekis wik.

Olketa we I stap long village long wik ia, hemi futbol (M,F), Boxing, Atletiks, Teibol Tennis, Tennis, Bij Volibol, weightlifting mo Judo.

Bij Voleibol

Bij Volebol men fes viktri Tufala yang bij volebol pleia blong Vanuatu James Chilia mo Aru I winim fes Commonwealth kualifierblong tufala akensem Tuvalu long 2 sets 1. Viktri blong tufala ia I mekem se bambae tufala I fesem Cook aelans long tede (Tasdei) long 10.40am.

Tim Maneja blong Bij Volebol Pelgie Maho i talem afta long viktri blong tufala ia, se emi win blong tufala i jas wan stat nomo mo tufala i kat olgeta impoten maj yet blong fesem.

Praem Minista blong Vanuatu Charlot Salwai Tabimasmas we hemi semtaim Minista Ambassada blong Bij Volebol i bin wajem viktri blong tufala yangfala ia long Bij Volebol kot yesterde aftanun.

Tennis

Hevi rein blong long aftanun long Korman Stadium, i fosem ol teknikel ofisal blong kanselem festaim olgeta kompetisen blong tennis, afta we i lukim i gat 2 tennis kot i fulap long wota.

Taem we Daily Sport i pas long tufala kot ia yesterdei aftanun, olgeta ofisol i stap bisi blong tekem aut wota we i fulap long tennis kot.

Olgeta teknikol ofisol oli se bambae oli statem bageken tennis long naet yestede, sapos rain i stop.

Judo

Daily Sport i bin witnessim samfala medal blong Vanuatu i ded finis long Judo, be bambae yumi jas konfemem long pepa tumoro.

Tebol Tennis

Tim ivent blong olgeta man mo woman i mekem i go insaed long grand faenol yestede aftanun mo oli winim ol fes gold medal blong Vanuatu.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.