Games

Vanuatu Tennis rep, Aymeric Mara long wan break yestede long Tennis kot

Press attache blong Tim Vanuatu, Samuel Taffo hemi kambak blong givim sam moa apteit blong Tim Vanuatu.

Fubol

Koj blong Vanuatu senia skwad Etienne Mermer i talem aot se Vanuatu i mas winim Fiji, blong rod blong hem i klia blong faet from Gold medal blong futbol.

Mermer i mekem toktok ia taim hemi stap toktok wetem tim Vanuatu Media mo explenem se maj akensem Fiji long Sarere emi impoten mo skwad blong hem i redi blong fesem Fiji.

Fiji oltaem bambae hemi no wan isi tim blong bitim mo olgeta boe i mas mekem sua blong winim maj ia.

Vanuatu naoia hemi topem tebol blong Men’s futbol, afta we hemi winim 2 maj finis. Fes wan wetem Niu Kaledonia long 2-1 mo oli kilim Tonga long 5-0. Vanuatu i gat 6 poen long tebol mo Fiji mo Solomons i stap long 4 poen afta we oli dro long Wednesde aftanun.

Maj blong Vanuatu mo Fiji bambae hemi tekem ples long Sarere wiken ia long Port Vila Stadium long 12pm.

Atletiks

Atletiks Vanuatu i sendem bikest skwad blong olgeta atlets long Mini Gems ia, mo janis blong winim sam medal i hae long saed blong atletiks.

Maneja blong Atletiks Tim, Reynolds Alatoa i explenem se bambae jalenj i kam long Fiji mo Papua New Guinea, from spots disiplin ia oli gud long hem, be Vanuatu bambae i stap olsem underdog long olgeta event ia, taim kompetisen blong olketa i stat nekis wik.

Atletiks Vanuatu i gat 58 atlets everiwan i stap long tim Vanuatu.

Games Village

Manejmen blong Freshwota skul we oli hostem Tim Vanuatu, italem se nomata we hemi fes wik nomo blong Kems, be oli hapi blong lukautem Tim Vanuatu, Wallis mo Futuna long Freshhwota skul.

Kordineita blong Games Village, John Webster i explenem se so far everiwan long village i respektem olgeta rules mo cooperate wetem olgeta staf blong skul mo mekem se everiwan i enjoyem spirit blong Mini Gems long Games Village.

Nomata we emi fes wik nomo, be manejman blong skul i stap luk forward blong sem respect bambae i follem long namba 2 wik blong Gems.

Tim Vanuatu i kasem wan gudfala welkam las wik long komuniti blong Freshwota we oli hostem olgeta atlet from Gems ya.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.