Football

Long 2016 koj Smith hemi bin Technical Advisor blong Vanuatu National Futsal team. Photo: Vanuafoot Facebook

A League klab long Australia, Adelaide United FC bambae i givim sapot long technical long Erakor Golden Star FC long OFC Champions Lik competisen we bai I tekem ples long Port Vila long nekis manis.

Harry Atisson we I wok olsem Ports blong Contact blong Erakor Golden Star i konfemem wetem Daily Sports se olgeta koj blong Adelaide United oli bin mit bifo Krismas mo akri blong sendem wan koj nomo i kam we nem blong hem Joshua Smith.

Smith we hem i wan license koj wetem Asia Football Confederation bambae i kasem Vanuatu long namba 6 February 2019 mo stap kasem end blong tunamen.

Koj Smith i stap toktok finis wetem hed koj blong Erakor Golden Star Benjamin Noel bifo krismas kasem tedei mo men rol blong hem wetem klab i olsem wan advisor nomo.

Koj Smith i talem se oli bin stap folem gud ol rikod we Erakor Golden Star i putum long las tu OFC jampions lik long Tahiti mo wantem helpem Erakor blog save kwalifae i go long sekon raun blong competisen long yia ia.

Adelaide United koj ia i talem tu se wan long ol bikfala tingting tu long trip blong hem i kam i blong lukluk spos i kat sam pleia blong klab we oli play gud blong oli save mekem trial wetem Adelaide United long Australia.

Naoia long A League long Australia i kat wan Pacific pleia nomo we I stap pefom gud, hem I Roy Krishna blong Fiji we I kam top skora blong Wellington Phoenix FC.

Long nara nius blong futbol, Galaxy FC hemi welkamem long wik ya Pepeta we hemi wan foma Brazilian straeka we i bin plei wetem Amicale long 2 O Lik tunamen mo wan nara Brazilian yang pleia blong 20 yia, Alexandre Rodrigo Da Silva Elias.

Wetem araevol blong tufala i mekem totol namba blong olgeta Brazilian pleia long Galaxy FC naoia i go antap long 3 everiwan.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.