Futbol

Andrew Leong (raet) i stap handem ova Vt200,000 i go long Erakor Tim Maneja, Donald Wanemut

Long yestede long moning long Au Bon Marche Namba tu, i lukim wan handing ova blong Vt200,000 i go long Tim Maneja blong Erakor Golden Star FC, Donald Wanemut.

Long bihaf blong Au Bon Marche, Andrew Leong hemi handem ova Vt200,000 i go long Wanemut.

“Mifala i glad blong helpem Erakor Golden Star tede blong save assistim olgeta wetem mane ya.

“Mi gat wan toktok blong talem se sapos komiti hemi wok gud mo Manejmen, bambae olgeta pleia insaed long fil oli soem aot, be sapos oli wok nogud bambae fil i soem aot.

“Mi biliv se Erakor bambae hemi setem wan niufala benchmark long histri blong futbol long Vanuatu, mo mi stap wishim klab ya all the best, mo Au Bon Marche bambae hemi stap wetem yufala long 2 wik blong kompetisen,” Leong i talem.

Long bihaf blong Erakor Golden Star, Wanemut hemi talem tankio long Au Bon Marche we i ansarem nid blong olgeta.

“Mi talem tankio long Au Bon Marche long ‘heart’ blong hem, bambae mifala i traem best blong mifala long 1 wik taem, taem OFC Champions League kompetisen i on long Korman Stadium.

“Bambae big man antap hemi blessem bisnis ya blong i kontiniu blong gro,” Wanemut i talem.

Long nara nius, Bodiam Engineering hemi sponsarem 90 carton wota blong full tunamen.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.