Dear Editor,

Me bin mitim wan friend long La Parisienne mo mitufala i storian smol olsem ia:

Friend: Mi nomo luk yu long taem. Yu stap wea?

Me: Mi stap nomo long Vila.

Friend: Mi bin stap ridim ol leta blong yu i ko long Editor from yu stap putum i stret oltaem. From wanem yu nomoa putum leta i ko long Editor?

Me: I no kat eni rison from wanem mi nomoa rait be ating mi les nomo. Bambai mi traem start bakeken.

Afta mi pem bred mo talem gud nait long fren.

Afta mi stap tingting se wanem nao bambai mi save rait abaot? Prince Charles, Chinese Military Base long Vanuatu, Chineses Cheque Book Diplomacy, Hae namba blong Parliamentary Secretariat mo Special Envoy, suspension blong Senior Civil Servants long Salaries Section, Deputy Prime Minister, increase activity long underground LGBT community, lack of justice, Income tax, dissolution mo gender equality.

Prince Charles’ 4 hour Visit: From wanem nao Prince Charles hem i kam long Vanuatu? Olsem former colony blong England, Vanuatu hemi no worthy long wan full taem Embassy blong United Kingdom? Hemi worthy long 4 hour visit nomo blong nex in line long Royal throne blong United Kingdom? Coming blong Prince Charles long lukluk, blong mi, hemi blong stakem claim blong England mo Australia mo putum wan clear message iko long China se Vanuatu hemi blong tufala (England mo Australia). China hemi mas save hemia mo no tingting se hemi save putum Military Base Long Vanuatu.

Prime Minister hemi tok baot ol mama oli karem firewood mo mekem 20Vt blong sapotem ol family blong olketa mo kavman blong hem istap addresem issue ia. How nao kavman blong hemi hemi addressem? By increasing VAT? By increasing Parliamentary Secretariats mo Special Envoy Positions we hemi min se pablik hemi stap pem stability we kavman blong hem istap enjoyem? MP Francoise Chani hemi special envoy blong Labour Mobility mo public i pem hem blong sapotem kavman over and above MP Salary. Hemi concern long laptop se hemi bribery be olsem wanem long extra salary we pablik blong Vanuatu i stap pem hem long hemi plas MP salary. VAT increase hemi no affectem ol very mama we PM istap tokbaot olgeta?

Saspension blong ol senior civil servants long Department Blong Treasury: long mi hemi no should happen from kavman hemi save deductem salary blong ol Civil Servants blong recoverem excess payment. I no nid blong suspension from i no kat stil. Hemi wan mistake nomo. Mi no andstandem. Naoia ol suspended civil servants ia oli no wok pe pablik i stap pem olketa mo sipos oli karem case blong olketa i ko long court bambai oli win mo pablik bambai hemi lusum mo money. Vt30 million excess payment this pay, deduct next pay to recover. Simple. Warning leta nomo inaf.

Dissolution: Wanem nao cost blong dissolution long pablik fund? Gratuity blong ol MP. Cost blong early election. Long taem we Lombenben Volacano long Ambae hemi stap costem pablik mani, Vanuatu i no nidim wan mo samting we bambai hem i kaikai mani blong pablik bakeken. Sipos i kat dissolution Gratuity blong ol MP. Vt 5 million X 52 = 700,000,000 + relocation costs blong Ambae isav isily kasem Vt 1.5 billion. Addem wetem election costs i mekem se Vanuatu hemi forced blong mekem expenses long taem we hemi no nid blong mekem yet.

Mi stop long ples ia fastaem. Kavman hemi mekem fulap gudfala wok mo hemi only fair se mi congratulate kavman long ol gudfala wok we hemi makem olsem upgrade blong ol rod, Lapetasi completion, faenem mane blong Bauerfied upgrade, Cyclone PAM recovery mo ol nara gudfala wok we kavman hemi mekem olsem upgrade long Rod blong Maewo.

Thomson Pakoa Matokai Kokona

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.