Dear Editor,

Tede Gavman blong Vanuatu hemi olsem wan sick person o wan disable person, hemi stap long hospital blong tekem treatment blong hem.

That’s why hemi askem o needem help blong nara kaontri blong helpm hem.

Tede Gavman hemi wandem kaikai gud o wandem drink wan klin wota, be problem se Gavman hemi no save stret who blong givim stret kaikai o wota long hem.

Wan (1) eksampol, Sapos wan papa wetem mama tufala gat (wan) pikinini nomo we hemi boe, after tufala I adoptem wan narawan bakegan.

I kam long wan taem we mama I ded hamas yia I pas afta papa hemi sick tumas. Stret pikinini blong tufala I ko karem ol kakai long karen be papa I se ‘No, mi no wantem kaikai ol kind kakai olsem’.

Be once adopted pikinini kam wetem lollie, twisties, tuskers and etc Papa I luk ol samting ia hemi no harem gud be tingting blong hem se I wandem sam mo bakegen.

Long taem nao ol pikinini oli stap ko long karen blong mekem kopra, kakao, kava, vanilla, mo fulap sam narafala samting be papa hemi no wantem save long ol stret medisin blong hemi save harem gud bakegen mo kam strong blong mekem wok we hemi shut mekem.

Tede Gavman blong Vanuatu I wantem harem gud, hemi mas respectem 10 Kommandment (Exodus 20:1-17) mo two (2) Kommandment (Matthiew 22: 37-39)

Tede Gavman blong Vanuatu hemi mas luk bak long kaikai blong home olsem kopra, kakao, kava mo fulap sam narafala mo.

I no blong ol investa oli kam talem prize blong ol prodak blong Vanuatu, I no investa blong kam talem tinktink we bae Gavman I folem.

Sapos yumi lukluk gud China hemi kam wan rij developing kaontri from nomo se hemi lukaotem gud ekonomy blong hem, mo I no wan different kaontri blong putum prize blong ol samting blong olgeta.

Laef blong yu (Gavman) blong Vanuatu hemi stap long maen, han, heart mo leg blong yu.

Plis hemi taem blong yumi luk save wanem we I stap happen naia mo wanem bae I kam tumoro. No forget se motto blong yumi Vanuatu, “Long God Yumi Stanap”

Thank you tumas long attention blong yumi evriwan.

God bless Vanuatu.

Kevin Tohran

Toman Island

S/W Malekula

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.