Dia Edita,

Mifala wantem yu mas save Praem Minista blong mifala we yu Praem Minista blong pipol mo kaontri blong yumi Vanuatu se VAIP projek ya ba hemi las projek we yumi kavman mo pipol blong Vanuatu bae hemi eva kivim long Chinese company North West we oli mekem airport blong yumi.

From wanem mifala ol lokol wokman i toktok olsem Praem Minista hemi from se projek no mata yumi hapi tumas se i stap finis be Chinese kampani oli no tritem gud yumi ol man Vanuatu nating. Oli no fair nating long yumi ol man Vanuatu we yumi tu yumi pat blong projek ia we long end blong dei bae yumi ol man Vanuatu nao bae yumi karem loan blong World Bank blong yumi pem bak long fiuja. Oli save mekem kakai wetem ol whiteman ol chinese be oli no save mekem kakai wetem yumi ol man Vanuatu blong talem tank yu nating.

Mifala save wok ol haoa be oli no stap pem gud mifala. Oli luk down long mifala mo oli no laekem mifala ol man Vanuatu. Mifala traem best blong mifala be long end blong dei oli no laekem mifala. Mifala kivim example nomo nating mifala ol wokman oli no laekem mifala. Projek bae hemi finis no long taem be oli no save luk save nating wan wan long mifala. Mifala luk save se oli racist tumas long mifala sapos mifala touchem wan machine o wan tool blong wok bae oli toktok gogo bae oli mas karemaot long mifala.

Taem mifala mekem wan smol samting nomo hemi rong bae oli rao long mifala olsem se mifala no stap long own kantri blong mifala. Las taem mifala witnessem mo tekem video blong wan Chinese woman long ples blong wok nem blong hem Rose we hemi tok nogud agensem wan woman Vanuatu we hemi wan mama mo hemi mekem mama ya hemi shame long foret blong ol Chinese mo ol lokol. Hemi singaotem woman ia se hemi wan kiaman woman mo hemi no allowem woman ya blong save explenem saed blong hem. Chinese woman ya hemi mekem mifala evriwan ol man Vanuatu we mifala luk rabis fasin mo toktok long hem mifala shame long hem.

Praem Minista ol kaen woman olsem i gud yufala I sendem bak olketa from fasin olsem hemi nogud mo hemi luk down long yumi ol man Vanuatu we projek ia hemi blong yumi.

Mifala talem aot ol harem nogud blong mifala folem ol normal process blong complaint i ko long ol boss blong mifala moa normal process blong complaint blong mifala be kasem tete I no kat eni jenis. Naoia i ko moa worse. Oli kilim spirit blong wok blong mifala moa mifala no hapi nomo from ol kaen fasin olsem.

Praem Minista mifala stap askem yu naoia olsem leader blong ol man Vanuatu blong yu talem long World Bank hemi mas kam lukluk gud long rabis fasin we mifala stap fesem tete bifo ol Chinese oli ronwe long ol kaen rabis fasin ya.

Mifala save se yu bisi be smol rikwes ya nomo plis yu helpem mifala.

Ol wokman blong Vanuatu CCECC VAIP Project

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.