Games

Test event blong Male 200M

Long las wiken pablik long Port Vila i kam blong faenem aot olsem wanem nao wan nomol dei blong Pacific Mini Games i luk mo fil stat long namba 4 kasem 15 Disemba.

Sport, kalja, kaikai mo laef band entetenmen i stap on displei long Korman Stadium long Sarere las wiken full dei, inkludum wan ‘kids fun station’.

Taosen long olgeta family oli gat wan priviu long olsem wanem Games bambae hemi luk mo operet.

Raon long Stadium i lukim olgeta security oli stanap mo olgeta Digicel Volunteer oli stanap long everi venue blong kipim taem o mekem sua se olgeta athlet oli gat wanem oli nidim mo mekem sua tu se gem hemi gohed gud.

Emergency tim tu oli setap raon long Stadium.

Insaed long Kazaa Cricket fil, i lukim olgeta stall blong kaikai oli setemap i stap finis mo kids fun station wetem archery fil mo laef entetenmen.

Eria ia hemi fri nomo long taem blong Games.

Entry i kam insaed long venue blong stadium i lukim wan booth we oli salem tikit long hem, yu bitim smol nomo i gat 3 gate, we 2 long olgeta long saed hemi entry mo hemia long medel hemi exit.

Aotsaed long Stadium mo Kazaa fil, olgeta security oli stanap long rod, mo olgeta fan oli wantem go wajem Games long nekis manis, i gat spesel ples nomo blong yu save stoppem mo jamaot long bus long hem.

Test event ia i openem eye plante mo givim olgeta Digicel Volunteer samting blong luk fowod long hem nekis manis.

From olgeta spot aktiviti i no tekem ples sem taem, i lukim plante spots fans oli karem pikinini blong olgeta i kam insaed mo araon long stadium long olgeta diferen taem long dei stat long 9am go kasem eli evening.

Pacific Mini Games i gat 5 dei nomo i stap bifo futbol i openem Games long namba 2 December mo ofisol opening long namba 4.

Raymond Nasse

Sports Editor

raymond@dailypost.vu

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.